شات اسكندرية ,شات اليكس,شات بنات مصر,شات ودردشة الاسكندرية,Chat Alex,Egypt‏
[right]


شات دردشةchat
 
الرئيسيةشات دردشة دردشهالتسجيلدخول

شاطر | 
 

 رســـالــــة حــــــب

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
general



عدد المساهمات : 7
تاريخ التسجيل : 05/05/2009

مُساهمةموضوع: رســـالــــة حــــــب   الإثنين 1 يونيو - 4:33


شباب اليوم

اكيد شباب بيحب

شباب أبيض وزى الفل

بس ياترى كل الشباب دول يقدروا يعملوا ايه علشان يثبت حبه

ياترى فعلا بيحب من قلبه ولا ده كلام من وراء قلبه ؟؟

عشان تقول بحب يبقى مش تضحك على قلبى وتضحك وتقول وتدارى وتخبى

انا كنت ممكن أكتب واقول كلام فى الحب والرومانسيه

بس لقيت واجب علىّ انى أفضفض معاكم شوية

اولا: انا مبفرضش أسلوبى ورأى الخاص على حد بس شايفه ان كل واحد فينا بجد جواه

حاجات جميله ممكن تخلينا عايشين أجمل أيام حياتنا

ثانيا : انا مبطلبش حاجه مستحيله ولاطالب منك ولامنها أننا نعيش

ايام الحب القديم ونسمع أفلام واغانى زمن الابيض والاسود

بالعكس لازم نعيش واقعنا لازم نكون قدها نلون حياتنا

خليك أد نفسك خليك جرىء ماتقولش بحب وانت مش قده ماتقولش

مبحبش وانت من جواك عاشق

الحب قولنا من زمان انه مشوار بس ياترى المشوار ده طريقه منين

أقولك انا طريق الحب من الاخر هو "طريق النور "

خليك ماشى وعارف ان هيجي يوم لااما توصل لااما تفضل واقف مكانك

مش ترسم أحلام وهميه خليك عايش الحقايق

لو قلنا هنحلم خليك قد حلمك وحاول تحقق حلمك كل يوم

لما تيجى وتقابل مطب ياريت تفكر هتعدى منه أزاى بص أدامك وبص وراك

احسب كل خطوه هتمشيها واعرف قد مامشيت لسه برضه هتمشى قدها وأكتر

المشوار ده صعب بس أحلى مشوار لاانه مع الانسان اللى أختاره قلبك الى أخترته يشاركك حياتك

أيام زمان سمعنا عن (سى السيد ) وكنا مستغرين لما بنشوفه فى الافلام

بس بجد صدقونى ده أحلى قصص الحب

مين ياترى (سى السيد ) دلوقتى وياترى مين هى زوجة سى السيد

انا بتكلم من الاخر بشكل عام عن مثل (امى ) دايما كان بتردده وكان بيبقى موجه ليا وتقولى

الراجل اللى بجد اللى هو يقدر يتحمل مسئولية ويقدر يزرع الحب جوه بيته مع الأنسانة اللى اختارها

ياترى فهمتوا قصدى ايه من الى بيتقال ده

المفيد كله انك لازم تختار واحده ست بجد بمعنى الكلمة لما قلبك

يختار ويحب تشوف ياترى هى تستاهل حبك ياترى هتحافظ على شخصيتك

ياترى هى عايزاك جنبها راجل بمعنى الكلمة ولا لاء

ونفس الكلام بوجه لكل البنات ياريت كل واحده تتعلق بحد تفكر الف

مره ياترى ده هيحافظ عليها وهى معاه ياترى هيقدر يديها

كل الحنان الى هى مستنياه ياترى هيحافظ على كلمة إمرأة اللى بتحملها

كل الكلام ده هيخلينى أقول شوية أسئلة وهحط أجابات عليها

وتقدروا تشاركونى بالاجابات أو حاول تسأل وتجاوب وانت قاعد مع نفسك :

ياترى انت قد حبك ولا لاء ؟

شايف نفسك فعلا راجل ؟

شايفه نفسك فعلا ست ؟

لو بتحب ياترى انت بتحب ليه ؟

ايه آخرة حبك ؟

ده السؤال الاول ودى اجابته:

لو انت قد حبك هتقدر تعمل المستحيل عشان تكمل حبك بس ارجع

وأقولك موش حاجه هتعملها تبقى دليل واثبات لحبك ياما بنعمل حاجات كتيره

غلط بتبقى ضدك واحيانا بنعيش مخدوعين فى الى بنحبهم الحب مش كده

فكر الاول فى البيت الى عشت فيه طول حياتك خلى والدتك هى عنوان قلبك

حاول تسمع كلامها فى كل حاجه حتى كلام الحب

انا لما قولت أمى اكتر من مره فى الموضوع ده عن أقتناع بسر كلمات أمى

الام عندما ترضى على من تحبها فأعلم انها من نصيبك

ولو انت بتحب بجد فعلا هتقدر تصارح امك بحبك



سؤال تانى وتالت وده اجابته:

ياترى انت راجل

ياريت محدش يتنرفز هههههههههههه

وتقول امال انا ايه اكيد انت راجل وقدها وقدود بس ياريت

تخلى الناس هى الى تحكم عليك بتصرفاتك بافعالك بكلامك

الرجوله عمرها ماكنت كلمة ولا شكل وخلاص

الرجوله اثبات الرجوله تصرفات وعود تلتزم بها وتنفذها

لو أنت راجل لو أنتى ست اكيد كل واحد منكم لازم يبقى

ليه شخصيه نقدر نحط دايما النقط على الحروف نكمل بعض نعيش على القد نحل

مشاكلنا بنفسنا ولو وقفت قدامنا حاجه مش عيب ناخد رأى غيرنا أصحابنا

وأهلنا خليكم دايما عايشين فى

النور كمل حياتك بوضوح


سؤال رابع وده أجابته :

لو انت بتحب بتحب ليه مع انى عارف الى بيحب مش بيسأل نفسه ليه بس خلينا واقعيين

شوية ونفكر ياترى انت بتحب عشان تبقى زى أى واحد بيحب ويتقال عليك واد حبيب واد من الاخر ده

بيكلم بنات

ياترى بتحب عشان القدر خلاك تقابل شخص حسيت فيه بالحياه انه

ممكن يشاركك حياتك بحلوها ومرها يقدر يساعدك فى مشاكلك من

الاخر يبقى نصك التانى زى مابيقولوا



سؤال خامس وده أجابته :

أيه اخرة حبك

كتير مننا بيقول الحب ملوش اخر وانا بتفق معاكوا بس

انا اقصد ياترى هنفضل عايشين حالة حب ونقول

كفايه كده

كل قصة وبيبقى ليها نهايه والنهايه دى دايما بتبقى لبداية حياه تانيه

الأجابه انا أختصرتها ليكم أنتوا باقى الأجابه

دى بدايه لرحله أتمناها رحله سعيده وموفقه

أكيد هتقابلك صعوبات ومواقف محرجه بس خليك قد الحياه وكمل

الحب موش عيب الحب مش حرام

بس العيب انك تكون بتضحك على نفسك بحب وهمى موش ليه أساس

الحرام انك تضحك على بنات الناس وتظلم قلوب غيرك كتير

أوعدنى بس الأول خليك أمين مع نفسك من االنهارده لو أنت فعلا عندك قلب

انك بجد تتغير للأفضل

وتقول بحبك قدام الكل قولها فى النور

ولو أنت بتضحك على أنسانه بتحبك روح وقولها

اسف انك خدعتها أعترف لها أنك مش كنت أد حبها أثبت ليها أنك راجل

لو أنت بتحب أعمل أى حاجه تثبت فعلا انك بتحب بجد

حاول تشارك غيرك حياتك

حاول تساعد غيرك وتكمل مشواره

ومش تسمع كلامك ناس عايزاه توقع بينك وبين الى بتحبه

خليك قد وعدك وقد كلمة بتقولها

ماهى مش كلمة بتتقال وخلاص ولا هى لمسة ايد وضحكه عيون

لاء الحب مش كده

الحب احساس طاهر شهوه طاهره

الحب تعاون وأصرار الحب توحد الحب شخصية

أحنا شباب

بس شباب مش طايشين ولاهنقول فى الحب غرقانين

كل الى عايزينه اننا نحب بجد نبقى شباب فعلا شباب ورد

مش نعيش أحلام ورديه لاء نحلم ونحقق الحلم

أزرع شجرة حبك من دلوقتى وأنت تلاقى كل يوم ورا يوم الفرع بيطرح ليك

أسمع كلامى وجرب وشوف

حب من قلبك هتلاقى الدنيا كلها بتحبك

رسالة حب

اخوكم
جــــــــنرال



الرجوع الى أعلى الصفحة اذهب الى الأسفل
general



عدد المساهمات : 7
تاريخ التسجيل : 05/05/2009

مُساهمةموضوع: رد: رســـالــــة حــــــب   الإثنين 1 يونيو - 4:57

بسم الله الرحمن الرحيم
السلام عليكم ورحمة الله وبركاته
انا اسف لاي حد منكم زعلان مني او في يوم جرحته بكلمه او بفعل
وياريت تسمحوني من قلبكم لو زعلتكم في اي يوم من الايام ..سمحوني
وانا مسامح اي حد الحمد لله انا مش بحب ازعل من حد واكيد كلنا بنغلط
بس لازم نسامح بعض عشان نفضل نحب بعض بجد ونفتكر بعض بالخير ديما
اتمني من ربنا يجعل حياتكم كلها حب وسعاده ويارب نكون كلنا بخير ديـمــــــا
ربنا يوفقنا جميعا الي ما يحب ويرضا ويهدينا الي الخير ويبعدنا عـن كـل شـر
سلامي لكل بنت وولد عرفتهم في المكان ده
واحلي وارق سلام لحلي بنت عرفتها في حياتي
فراوله ..... جو تيم ــــ> أحـــبـك للابد
اخوكم .جـــــنرال
الرجوع الى أعلى الصفحة اذهب الى الأسفل
سمسمه



عدد المساهمات : 12
تاريخ التسجيل : 01/06/2009

مُساهمةموضوع: رد: رســـالــــة حــــــب   الإثنين 1 يونيو - 7:24

Laughing السلام عليكم ورحمه الله وبركاته Laughing

انا مبسوطه جدا لان اول موضوع ارد عليه يكون جميل كده بجد تسلم ايدك جنرال بجد كلام بسيط جدا ويارب الكل يفهمه صح ويعمل بيه
I love you I love you I love you
الرجوع الى أعلى الصفحة اذهب الى الأسفل
tefa_ 555



عدد المساهمات : 2
تاريخ التسجيل : 18/07/2009

مُساهمةموضوع: رد: رســـالــــة حــــــب   الأحد 19 يوليو - 10:20

Embarassed Laughing موضوع هادف ورائع بل اكثر من رائع
الرجوع الى أعلى الصفحة اذهب الى الأسفل
soraya



عدد المساهمات : 8
تاريخ التسجيل : 03/12/2009

مُساهمةموضوع: رد: رســـالــــة حــــــب   الثلاثاء 8 ديسمبر - 13:27

ih mawdou3 kter wa9i3i waromansi akid
hik l7ayat cho rah na3mil
merci 3almawdou3 yijanin
walahi merciiiiiiiiii
soraya
الرجوع الى أعلى الصفحة اذهب الى الأسفل
 
رســـالــــة حــــــب
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شات اسكندرية ,شات اليكس,شات بنات مصر,شات ودردشة الاسكندرية,Chat Alex,Egypt‏ :: Help & Support :: أرشــيـــف الــمــواضـــيــــع القديمة :: الحب و الرومانسية-
انتقل الى: